چیئرمین سینیٹ صادق سنجرانی دا معروف ادیبہ اتے شاعرہ فہمیدہ ریاض دے انتقال تے ڈکھ دا اظہار

اسلام آباد ۔ 22 نومبر (اے پی پی) چیئرمین سینیٹ محمد صادق سنجرانی معروف ادیبہ اتے شاعرہ فہمیدہ ریاض دے انتقال تے ودھ سارے ڈکھ تے افسوس دااظہار کیتے ۔ اپنڑے تعزیتی پیغام اچ انہاں آکھیا جو فہمیدہ ریاض دی خدمات نہ صرف ادب دے شعبے اچ لائق تحسین ہن بلکہ او تریمتاں دے حقوق تے جمہوریت دے استحکام دی ہک موثر آواز دے طور تے یاد رکھیاں ویسن ۔ چیئرمین سینیٹ آکھیا جو انہاں دی موت نال ملک ہک ادیبہ توں محروم تھی گئے ۔ چیئرمین سینیٹ فہمیدہ ریاض مرحومہ دے ثواب سانگے دعا کیتی۔