چینی قونصلیٹ تے حملے دے بعد کامیاب اپریشن کرتے ترائے دہشت گرداں کوں ٹھکانڑیں لا ڈتا گئے ،ڈو پولیس اہلکار شہید تھن ،سفارت خانے د ا عملہ محفوظ اے ،وزیر خارجہ شاہ محمود قریشی دی پارلیمنٹ ہاﺅس دے باہروں میڈیا نال گال مہاڑ ، کراچی اچ چینی قونصلیٹ تے حملے دی مذمت

اسلام آباد ۔ 23 نومبر (اے پی پی) وزیر خارجہ شاہ محمود قریشی کراچی اچ چینی قونصلیٹ تے حملے دی مذمت کریندے ہوئیں آکھے جو کامیاب اپریشن کرتے ترائے دہشت گرداں کوں ٹھکانڑیں لا ڈتا گے جڈاں جو دو پولیس اہلکار شہید تھن ‘ چینی سفارتخانہ دا عملہ محفوظ ہے اتے انہاں کوںمحفوظ جاہ تے منتقل کر ڈتا گے ۔اے گال انہاں جمعے کوں پارلیمنٹ ہاﺅس دے باہروں میڈیا نال گال مہاڑ کریندے ہویں آکھی ۔انہاں آکھیا اج سویلے ترائے دہشتگرداں کراچی اچ چینی قونصلیٹ تے حملہ کیتا۔ ایں افسوسناک واقعے دی ودھ ساری مذمت کریندوں ۔انہاں آکھیا سکیورٹی ادارٰں کامیاب کارروائی کرتے ترائے دہشت گرداں کوں ٹھکانڑیں لاتے جڈاں جو ایں کاروائی دے دوران ڈو اہلکاراں جام شہادت نوش کیتا ۔ چینی قونصلیٹ اچ موجود عملے دے 21 لوکاں کوں محفوظ جاہ تے منتقل کر ڈتا گے ۔ انہاں آکھیا بیجنگ اچ پاکستان دے سفارتخانے کو ںساری صورتحال دا ڈسا ڈتے ۔اساں ہک سپیشل فورس بنڑائی اے جیرھی سی پیک دے تحت منصوبیں دی حفاظت کریسی۔