لندن ۔ 27 نومبر (اے پی پی) چیف جسٹس پاکستان، جسٹس میاں ثاقب نثار آکھیے جو نویں ڈیماں دی تعمیر پاکستان دیاں آندیاں نسلاں دے مستقبل سانگے ناگزیر اے ،پانڑیں دے ودھدے ہوئے بحران دے تناظراچ ملک اچ مزید ڈیماں دی ضرورت اے ۔پانڑیں دے بحران کوں حل کرنڑ تے ڈیماں دی تعمیر سانگے فنڈز نامناسب استعمال دی اجازت کائناں ڈیسوں ۔اے گال انہاں لندن اچ میڈیا نال گال مہاڑ کریندے ہوئیں کیتی ۔چیف جسٹس آکھیا جوڈیماں د تعمیر سانگے سمندر پار پاکستانیوں دارد عمل اساڈی توقع توں ودھ تے ہئی ۔ پاکستانیوں وڈے دل نال عطیے جمع کرائین ۔ میکوں سمندر پار مقیم پاکستانیاں توں ایں قدر وڈے رد عمل دی توقع کائناں ہئی تے میکوں ودھ ساری خوشی تھی اے جو سمندرپار پاکستانی ایں قومی مقصد سانگے جوش نال اگی تے ودھین جیرھا جو بہوں خوش آئندہ اے اساں انہاں دے شکر گزار ہوں ۔ چیف جسٹس آکھیا جو غیر متنازعہ ڈیماں د عدم تعمیر مجرمانہ غفلت اے۔ پاکستان کو ں اپنڑی بقا سانگے نویں ڈیماں دی تعمیر تے توجہ ڈیونڑیں ہوسی کیوں جو پانڑیں زندگی دی امید اے ۔ہک سوال دے جواب اچ انہاں آکھیا قومی احتساب بیورودے قوانین اچ مزید بہتری دی گنجائش موجود اے۔ انہاں آکھیا احتساب بلاتفریق ہوونڑاں چاہیدے ۔ عدالت عظمیٰ اچ اساں اے کائنی ڈیکھدے جو کون کیرھی سائیڈ تے ہے اساں صرف قانون کوں ڈیکھدوں ۔
