اسلام آباد ۔ 28 نومبر (اے پی پی) دفترخارجہ آکھیے جو کرتا پور راہداری دا افتتاح اہم تاریخی واقعہ اے جیرھا جو پاکستان تے بھارت ڈوہیں سانگے کئی موقع فراہم کریسی ۔راہداری دی تعمیر دا کم باباگرونانک دے آندے سال نومبر اچ جنم ڈینھ توں پہلے مکمل تھیسی ۔بدھ کوں کرتارپورروانگی توں پہلے صحافیاں نال گال مہاڑ کریندے ہوئیں ترجمان دفترخارجہ ڈاکٹرمحمد فیصل ڈسایا جو وزیراعظم عمران خان کرتارپورراہداری کھولنڑ دا قدم چاتے جیں کوں بھارت دے عوام سمیت وسیع تر پذیرائی ملی اے۔ انہاں آکھیا جو اج تاریخی ڈینھ اے اتے اے اقلیت کوں شامل کرنڑ تے انہاں دے حقوق ڈیونڑ دے حوالے نال وزیراعظم عمران خان دا اہم قدم ہے۔انہاں ایں امید دا ااظہارکیتے اے راہداری ”مفید“ ثابت تھیسی، راہداری کھولنڑ نال سکھ یاتریاں کوں پاکستان اچ اپنڑے مقدس جہیں دی زیارت اچ سہولتاں مل ویسن ۔ہک سوال تے ترجمان دفترخارجہ آکھیے جو راہداری دی تعمیر دا کم سکھ مذہب دے مذہبی رہنماءباباگرونانک دے آندے سال نومبراچ جنم ڈینھ توں پہلے مکمل تھیسی ۔ترجمان آکھیے جو پاکستان اسلام آباد اتے نویں دہلی وچال خلیج کوں گھٹ کرنڑ سانگے سارے ضروری اتے اہم اقدامات سانگے پرعزم اے ۔انہاں آکھیے جو سکھ یاتریاں دا پاکستان اچ محبت دے جذبے دے نال خیر مقدم تھیسی او پاکستان تے اتھاں دے عوام بارے مثبت تاثرات واپس گھن تے ویسن ۔
