کرپشن اتے منی لانڈرنگ تے گالھ کرنڑ تے ایوان دا ماحول کیویں خراب تھی ویندے؟وزیر اطلاعات چوہدری فواد حسین دا سینیٹ اچ اظہار خیال

اسلام آباد ۔ 14 نومبر (اے پی پی) وفاقی وزیر اطلاعات و نشریات چوہدری فواد حسین آکھیے جو کرپشن اتے منی لانڈرنگ تے گالھ کرنڑ تے ایوان دا ماحول کیویں خراب تھی ویندے؟کیا ایوان چلاونڑ صرف حکومت دی ذمہ واری اے؟میڈے خلاف بدزبانی تے سینیٹر مشاہد اللہ یا انہاں دی جماعت معافی منگے۔ سینیٹ اجلاس اچ گالھ مہار کریندے ہوئے فود چوہدری آکھیا جو میڈے نہ ہوونڑ دے باوجود سینیٹر مشاہد اللہ ایوان اچ میڈے تے گالھیں کیتن،ایندے تے سینیٹر یا انہاں دی جماعت معذرت کرے،ایوان چلاونڑ صرف حکومت دی نئیں اپوزیشن دی وی ذمہ واری اے۔ ایندے تے قائد حزب اختلاف آکھیا جو ایجھیاں گالھیں کوں مکاونڑاں چاہیدے۔وزیر اطلاعات آکھیا جو میں ذاتیات تے گالھ نئیں کریندا، اعتراض ایندے تے ہوندے جڈان اساں ڈسیندے ہیں جوسابقہ حکومت کم کیویں چلائے،بابا فرید گنج شکر دی زمین ویچ کھا گئن۔چیئرمین سینیٹ آکھیا جو اے عدالتی معاملہ اے ایندے تے گالھ نہ کرو۔ فود چوہدری آکھیے جڈاں اساں آہدے ہیں جو کرپشن اتے منی لانڈرنگ نئیں ہوونڑی چاہیدی تاں آہدن جو ایندے نال ایوان دا ماحول خراب تھیندے،اینجھے معاملات ویندے نسے کر سگدے،جیہڑے پنج ہزار اکاﺅنٹس ٹریس تھین انہاں دا پتا لگنڑا چاہیدے جو او کیندے ہین، کیا ایندے تے ایوان اچ گالھ نئیں تھیونڑی چاہیدی۔