اسلام آباد ۔ 13 نومبر (اے پی پی) وفاقی وزیر سائنس و ٹیکنالوجی اعظم خان سواتی آکھیے جو کوئی قوم سائنس و ٹیکنالوجی اتتے تحقیق اچ پیشرفت دے بغیر ترقی نئی کر سگدی ، بہوں وختی ملک دے مختلف شہراں اچ چھی سائنس پارک قائم تے سائنس تے ٹیکنالوجی سانگے بجٹ اچ ودھاراکریسون ،میرٹ کوں اولین ترجیح ڈتی ویسی ،سارے اداریں اچ نویں لوک خالصتاً میرٹ دی بنیاد تے گھنسوں،کرپشن ہک ناسور ہے اینکوں منڈھوں مکاونڑ اساڈے منشور دا حصہ اے ،اساکوں چین دے تجربیں توں فائدہ حاصل کرنڑ دی ضرورت اے ،انہاں خیالاں دا اظہار انہاں منگل کوں پاکستان سائنس فاونڈیشن دے زیر اہتمام سائنس دے عالمی ڈینھ دے موقع تے تقریب نال خطاب کریندے ہوئیں کیتا ۔وفاقی وزیر ایں موقع تے مہمان خصوصی ہن جڈاں جو پاکستان اچ یونیسکو دی ڈائریکٹر وائی بیک جنسن گیسٹ وآف آنر ہن۔ تقریب نال خطاب کریندے ہوئیں وفاقی وزیر آکھیا جو ایں سال ”سائنس انسانی حق“ دے موضوع تےسائنس دا عالمی ڈینھ منایا ویندا پئے جیرھا جو ایں گال دا متقاضی اے جو سائنس دے فائدے عالمی سطح تے سارے انساناں تئیں منتقل کیتے ونجن تے سارے ملکاں اچ پائیدار اقتصادی ترقی سانگے سائنس تے ٹیکنالوجی توں فائدہ چاتاونجے ۔
