جعلی اکاﺅنٹس بارے جے آئی ٹی رپورٹ: نواز ،زرداری گٹھ جوڑ ثابت تھئے ،وزیراعظم دے معاون خصوصی شہزاد اکبر دی وفاقی وزیر اطلاعات و نشریات چوہدری فواد حسین دے کٹھے پریس کانفرنس

اسلام آباد ۔ 24 دسمبر (اے پی پی)وزیراعظم دے معاون خصوصی برائے احتساب شہزاد اکبر آکھیے جو جعلی اکاﺅنٹس بارےجے آئی ٹی رپورٹ اچ آصف علی زرداری اتے اومنی گروپ دے جعلی اکاﺅنٹس نال ارباں روپے دی ترسیل ثابت تھی چکی اے ،کیس دے سارے کرداراں تے 16انجھ انجھ ریفرنسز دائراتے اثاثے منجمد کرنڑ دی سفارش کیتی گئی اے،وفاقی حکومت دی استدعا اے جو اومنی گروپ جعلی اکاﺅنٹس دے کرداراں دے ناں ای سی ایل اچ سٹنڑ کیتے عدالت ہدایات ڈیوے یا تحقیقاتی ادارے سفارش کرن ،جعلی اکاﺅنٹس اچ رقوم دی منتقلی کیتے سندھ حکومت کوں وی ہر طریقے نال استعمال کتیا گئے،مراد شاہ بطور وزیراعلی اتے وزیر خزانہ سندھ ایں معاملے اچ ملوث رہین،بیمار صنعتی یونٹس دی بحالی کیتے سبسڈی دے 7.13ارب،سرکاری ٹھیکیاں دے ارباں روپے،54ارب روپے دے قرض زائد ویلیو ظاہر کرتے اومنی گروپ دے جعلی اکاﺅنٹس اچ منتقل تھین ،رپورٹ اچ نواز ،زرداری گٹھ جوڑ ثابت تھئے،نواز شریف دی ایمنسٹی سکیم اچ اومنی گروپ سارے جعلی اکاﺅنٹس تے معافی منگ تے اپنڑے اکاﺅنٹس کلیئر کرا گھدن، خدشہ اے جو حکومت سندھ دے 1200ارب دے ترقیاتی بجٹ اچوں 30توں40فیصدفنڈز جعلی اکاﺅنٹس اچ کمیشن دے طور تے رداری تئیں پجین ،جے آئی ٹی رپورٹ اچ بحریہ ٹاﺅن دا کرداروی سامنڑے آئے جو کیویں کراچی اچ ارباں روپے دی11ہزار 257ایکٹر اراضی ٹکے ٹوکری گھدی گئی اے،مشتاق نامی فرنٹ مین وی اگو آگئے جو،آصف علی زرداری گریڈ 12اچ کلرک بھرتی کرتے مشتاق کوں ترقی ڈتی اتے تحقیقات اچ اوکوں اپنڑا مالشی قرار ڈتے،زرداری دے 110غیر ملکی دوریاں اچ مشتاق وی نال ہا، ایان نال 100 غیر ملکی دوریاں تے وی مشتال نال نال رہے،جے آئی ٹی دی رپورٹ دے بعد ٹیکس بک منی لانڈرنگ نال تصویروی بنمڑا ڈتی گئی اے جو کیویں منی لانڈرنگ تھیندی اے۔ اے گالھ انہاں وفاقی وزیر اطلاعات و نشریات چوہدری فواد حسین نال پریس کانفرنس اچ آکھی۔انہاں آکھیے جو رپورٹ پڑھ تے اکھیں کھلیاں رہ گین،اے کیس پچھلے سارے کیساں دا ریکارڈ تروڑ چکیے، ایہا وجہ ہے جو ایف اے ٹی ایف پاکستان کوں گرے لسٹ اچ رکھیے۔