سی پیک ساﺅتھ کوآپریشن دی شاندار مثال ،منصوبے دے فائدے متعلقہ ملکاں تئیں محدود کائنی ،پورے خطے تے ایندے توں باہر دے لوکاں سانگے وی ہن ،اقوام متحدہ اچ پاکستان دی مستقل مندوب ڈاکٹر ملیحہ لودھی دا جنرل اسمبلی اچ اظہار خیال

اقوام متحدہ۔6 دسمبر (اے پی پی) اقوام متحدہ اچ پاکستان دی مستقل مندوب ڈاکٹر ملیحہ لودھی سی پیک کوں ساﺅتھ کواپریشن دی شاندار مثال قرار ڈیندے ہویں آکھیے جو ایں منصوبے دے فائدے صرف متعلقہ ملکاں تئیں محدود کائنی بلکہ پورے خطے تے ایندے توںباہر دے لوکاں سانگے ہن ۔جنرل اسمبلی دے اعلی سطح دے اجلاس اچ گال کریندے ہوئیں انہاں آکھیا جو پائیدار ترقی دے اہداف دے حصول اچ متوسط آمدنی آلے ملکاں دے قائدانہ کردار کوں اجاگر کیتا ۔انہاں آکھیا پائیدار ترقی دے اہداف اچوں خاص طور تے غربت گھٹ کرنڑ دا ہدف حاصل کرنڑ اچ متوسط آمدنی آلے ملکاں کوں قائدانہ کردار ڈیونڑ دے نال نال انہاں تے قرضیںدا بوجھ پائیدار بنیاداں تے گھٹ کرنڑ کیتے انہاں دی معاونت وی کیتی ویسی ۔ایں موقع تے صدرجنرل اسمبلی ماری۔آ فرنانڈا ایسپینوزا اتے اینٹی گوا اینڈ باربوڈا دے وزیر اعظم الفانسو براﺅن وی اپنڑے خیالات دااظہار کیتا۔