طالب علم ملک دی ترقی اچ کردار ادا کرنڑ سانگے تعلیم تے توجہ کرن ،چیئرمین سینیٹ محمد صادق سنجرانی

اسلام آباد ۔ 28 دسمبر (اے پی پی) چیئرمین سینیٹ محمد صادق سنجرانی آکھیے جو طالب علم اپنڑی ساری توجہ تعلیم تے ڈیون تاں جو ملک دی ترقی تے خوشحالی اچ ودھ چڑھ تے اپنڑاں کردار ادا کرسگن ۔اے گال انہاں جمعے کوں گورنمنٹ ڈگری کالج دالبندین، ضلع چاغی دے طالب علماں تے استاداں تے مشتمل 60رکنی وفد نال اسلام آباد اچ ملاقات کریندے ہوئیں آکھی ۔سینیٹ سیکر ٹریٹ ولوں جاری بیان دے مطابق انہاں آکھیا جو بلوچستان دے تعلیمی اداریں اچ نصابی سرگرمیاں سمیت کھیڈاں دے ودھارے اتے بیاں سہولتاں کیتے کوششاں جاری ہن تے ایں سلسلے اچ گورنمنٹ ڈگری کالج دالبندین دے طالب علماں کوں لیپ ٹاپ ڈیونڑ کیتے حکومت نال گال بات چلدی پئی اے تے وختی ستر دے نیڑے لیپ ٹاپ ڈے ڈتے ویسن ۔انہاں آکھیا بلوچستان دے لوک ترقی پسندانہ سوچ دے مالک ہن تے ترقی دے عمل کوں تکھے کرنڑ دے اقدام تے اہمیت بارے چنگے طریقے نال آگاہ ہن ۔