قومی اسمبلی دے سپیکر اسد قیصر دا تہران اچ چھی ملکی سپیکرز کانفرنس نال خطاب

اسلام آباد ۔ 8 دسمبر (اے پی پی) قومی اسمبلی دے سپیکر اسد قیصر آکھیے جو ایران، افغانستان، پاکستان، ترکی، چین اتے روس کوں دہشت گردی کوں منڈھوں مکاونڑ سانگے ہک بئے نال تعاون اچ ودھارا کرنڑ پوسی۔ انہاںخیالٰن دا اظہارسپیکر قومی اسمبلی ہفتہ کون تہران اچ چھی ملکی سپیکرز کانفرنس نال خطاب کریندے ہوئیں کیتا۔ کانفرنس اچ ایران، افغانستان، پاکستان، ترکی، چین اتے روس دے سپیکرز شریک ہن۔ کانفرنس دامرکزی موضوع دہشت گردی دے خلاف اقدامات ہن۔ انہاں آکھیے جو ا وہ شریک ملکاں دے سپیکرز توں دہشت گردی دے چیلنجاں نال نبڑن توں متعلق امور تے تبادلہ خیال کریسن۔ سپیکر دہشت گردی کو ں منڈھوںمکاونڑ سانگے سانجھا اقدامات دی ضرورت تے وی زور ڈتا۔ انہاں آکھیا جو کانفرنس اچ شریک سارے ملکاں دی ثقافت اتے زباناں بیش قیمت اتے متنوع ہن،ا یہ سارے ملک دہشت گردی دے خلاف چنگا اقدامات کر سگدن۔ انہاں آکھیا جوسارے علاقائی ملکاں کوں دہشت گردی دے خلاف اپنڑاںموثر کردار ادا کرنڑ چاہیدے۔ سپیکر آکھیا جو ایران گزریل ڈودہائیاں اچ دہشت گردی دے ایشو نال نبڑن اچ اہم کامیابیاں حاصل کیتیاں ہن۔