وزیراعظم عمران خان دا قائداعظم دے جمنڑے دے ڈینھ دے موقع تے ٹویٹ

اسلام آباد ۔ 25 دسمبر (اے پی پی) وزیراعظم عمران خان نویں پاکستان کو ںقائد اعظم دا پاکستان قرارڈیندے ہوئیں آکھیے جو حکومت بھارت دے برعکس پاکستان اچ اقلیتاں کوں برابر حقوق دی فراہمی یقینی بنڑیسی۔ منگل کوں قائداعظم دے یوم پیدائش دے موقع تے اپنڑے ٹویٹ اچ وزیراعظم آکھیاجو قائداعظم پاکستان کو ں ہک جمہوری ملک قرار ڈتا جتھاں ساریاں دے نال انصاف اتے برابر سلوک دی فراہمی یقینی ہے۔ سبھ توں اہم گالھ ایہ ہے جو بانی پاکستان قائد اعظم اقلیتاں کوں برابر شہری حقوق دی فراہمی چاہندے ہن۔ وزیراعظم آکھیا جااساکوں ایہ گالھ یاد رکھنڑ چاہیدی ہے جو اوہ اپنڑے سیاسی کیریئر دے شروع اچ قائداعظم ہندو مسلم اتحاد دے سفیر ہن۔ انہاں آکھیا جو قائداعظم دی مسلماناں سانگے انجھ ملک دی جدوجہد اوں ویلھا شروع تھئی جداں انہاںکوںاحساس تھیا جو برصغیر دی ہندو اکثریت ولوں مسلماناں کوں برابر شہری حقوق نی ڈتے ویندے پئے ہن ۔ انہاں آکھیا جو نواں پاکستان قائد دا پاکستان ہے اتے اساں ایں گالھ کوں یقینی بنڑیسوں جو اقلیتاں کوں برابرشہری حقوق ملنڑ جڈاں جو بھارت اچ ایندے برعکس تھیندا پئے۔اج قائداعظم محمد علی جناحؒ دی سالگرہ دے موقع تے اساں20ویں صدی دے عظیم رہنما کو ں خراج تحسین پیش کریندوں ، قائداعظم اپنڑے نظریے اتے سوچ نال تریخ دا رخ بدل ڈتا اتے مسلماناں دے حقوق سانگے بے مثال اتے انتھک جدوجہد کیتی، اج اساکوں بانی پاکستان دے وژن تے عمل پیرا ہونڑ دے عزم دا اعادہ کرنڑ پوسی ، اساکوں ریاست مدینہ دے ماڈل دی پیروی کرنڑ پوسی تاں جو اساڈاملک انصاف تے مبنی اتے خوشحال ریاست بنڑ سگے ، اساکوں رل مل تے ہک قوم دی حیثیت نال کم کرنڑ پوسی ،تاں جو قائد اعظم دے وژن کوں حقیقت دا روپ ڈتا ونج جا سگے اتے اساںاپنڑے ملک کوں دنیا دی قوماں اچ ایندا مناسب مقام ڈیوا سگوں