وزیراعظم عمران خان نال فیس بک سنگاپور دی پبلک پالیسی دے نائب صدر دی ملاقات

وزیراعظم عمران خان نال فیس بک سنگاپور دی پبلک پالیسی دے نائب صدر دی ملاقات، وزیراعظم دا جعلی خبراں، تشدد اتے نفرت انگیز مواد کوں کھنڈاونڑ اچ سوشل میڈیا دے غلط استعمال روکنڑ سانگے مضبوط نظام وضع کرنڑ تے زور
اسلام آباد ۔ 4 دسمبر (اے پی پی) وزیراعظم عمران خان ، دا جعلی خبراں، تشدد اتے نفرت انگیز مواد کوں کھنڈاونڑ اچ سوشل میڈیا دے غلط استعمال روکنڑ سانگے مضبوط نظام وضع کرنڑ تے زور ڈتے۔اے گالھ انہاں فیس بک سنگاپور دی پبلک پالیسی دے نائب صدر نال گالھ مہاڑ کریندیں ہوئیں آکھی جنہاں منگل کوں وزیراعظم آفس اچ انہاں نال ملاقات کیتی۔ وزیراعظم دے معاونین خصوصی سید ذوالفقار عباس بخاری، افتخار درانی اتے سینئر حکام وی ایں موقع تے موجود ہن ۔وزیراعظم آکھیا جو فیس بک دے صارفین وڈی تعداد اچ ہن اتے اے ادارہ معاشرے اتے سماجی اقدار کوں خطرہ لاحق کرنڑ آلی منفی کوششاں کوں روکنڑ اچ کردار نبھیندے پئن ۔ سائمن میلنر ’ وزیراعظم کوں آن لائن کمیونٹیزدی تشکیل، دور افتادہ کمیونٹی تئیں رسائی،صحت دی خدمات ڈیونڑ دی سہولت،ڈیزاسٹرمنیجمنٹ بارے کمیونٹی دی کوششاں کرنڑ اتے سوشل میڈیا دے غلط استعمال بارے فیس بک ولوں کیتے ونجنڑ آلے مختلف اقدامات بارے ڈسایا۔