وزیر اعظم عمران خان قبل از وقت الیکشن دی گالھ جنوبی پنجاب دے حوالے نال سوال دے جواب اچ آکھی، اگر الیکشن جلدی تھی وی ونجنر تاں قیامت کائناں آ وسی ‘ پاک فوج چاہندی ہے جو ملک اچ معیشت اتے جمہوریت مضبوط تھیوے‘ عدلیہ‘ قنون دی حکمرانی اتے انصاف دی بالادستی سانگے کھڑی ہے، نواز شریف اتے مریم نواز نال کوئی ڈیل کائنی، اگر کوئی ڈیل ہوندی تاں چپ دا روزہ نہ تروڈدے، وفاقی وزیر ریلوے شیخ رشید احمد دی پریس کانفرنس

لاہور۔8 دسمبر(اے پی پی )وفاقی وزیر ریلوے شیخ رشید احمد آکھیے جوزیر اعظم عمران خان قبل از وقت الیکشن دی گالھ جنوبی پنجاب دے حوالے نال سوال دے جواب اچ آکھی، اگر الیکشن جلدی تھی وی ونجنڑ تاں کوئی قیامت کائناں آ وسی‘ عوام چنگی پرفارمنس کوں ویکھدے پن ‘ پاک فوج موجودہ حکومت دے مونڈھے نال مونڈھا لا تے کھڑی ہے اتے ا وہ چاہندی ہے جو ملک اچ معیشت اتے جمہوریت مضبوط تھیوے ‘ پاکستان دا سبھ توں وڈااتے مضبوط ادارہ پاک فوج ہے جیرھا جو ملکی ترقی‘ خوشحالی‘ نظریاتی‘ معاشی تے اقتصادی سرحداں دی چنگی معاملہ فہمی سانگے کم کریندے۔ا وہ ہفتہ کوں ریلوے ہیڈ کوارٹرز اچ پریس کانفرنس نال خطاب کر یندے پئے ہن۔ شیخ رشید احمد وزیر اعظم ولوں قبل از وقت الیکشن دی گالھ دے حوالے نال سوال تے آکھیا جو عمران خان جنوبی پنجاب دے حوالے نال قبل از وقت الیکشن دی گالھ کیتی اتے اگر الیکشن پنج سال دی بجائے ترائے یا چار سال اچ وی تھی ونجنڑ تاںایندے نال قیامت کائناں آوسی ‘ عوام ایں گالھ کوں ویکھسن جو چوراں اتے لٹیراں ملک سانگے کیا کیتا اتے تحریک انصاف دی حکومت کیا کارکردگی ڈکھائی۔ سابق صدر آصف علی زرداری دے حوالے نال ہک سوال تے وفاقی وزیر آکھیا جو جڈاں آصف علی زرداری ساہورے ونجنراں ہوئے تاں ا وہ پگ پا گھندن۔ انہاں آکھیاجو ملک اچ عدلیہ‘ قنون دی حکمرانی اتے انصاف دی بالادستی سانگے کھڑی ہے اتے عوام چیف جسٹس آف پاکستان ول ویکھدی پی ہے، انہاں عوام سانگے جیرھا فیصلے کیتے ا وہ تریخ اچ یاد رکھے ویسن۔ شیخ رشید احمد موجودہ دور حکومت اچ تھیونڑ آلی ترقی دا سابق دور حکومت نال موازانہ کریندے ہوئیںآکھیا جو گزریل حکومت اچ ڈان لیکس تھی‘ اجمل قصاب دا ایڈریس نواز شریف ڈسایا ، جیرھا بندہ کرپشن اچ ڈوبیا ہوئے اتے جیندے ہتھ منی لانڈرنگ اچ ملوث ہونڑ اوہ ایجھا حالات تون گزردے۔ ہک سوال دے جواب اچ وفاقی وزیر آکھیا جو میں مارچ تئیں سیاست اچ بوکھر پھیرن دی گالھ کیتی اتے اگر تحریک انصاف دے لوک وی کہیں کرپشن اچ ملوث ہونڑ تاں انہاں کوں ڈبل سزا ملنڑ چاہیدی ہے۔ نواز شریف اتے مریم نواز نال ڈیل دے حوالے نال ہک سوال تے انہاں دا آکھنر ہا جو ایجھی کوئی گالھ کائنی، اگر کوئی ڈیل ہوندی تاںا وہ چپ اد روزہ نہ تروڑدے ۔انہاں آکھیا جو سابق وزیر اعلیٰ پنجاب شہباز شریف این آر او سانگے 90 دے زاویے تے مردے پن ۔