کرپشن قومی ترقی دی راہ اچ سبھ توں وڈی رکاوٹ ہے، انسداد بدعنوانی دے ادارے مالیاتی بے قاعدگیاں کوں روکنڑ یقینی بناونڑ تاں جو عوام یار نویں پاکستان دا خواب پورا کیتا ونج جا سگے،مشرقی پاکستان توں انج تھیونڑ اچ استحصال توں ودھ کرپشن دا ہتھ ہا، امید ہے جو نویں پاکستان دا نظریہ کامیابی نال ہمکنار تھیسی صدر مملکت ڈاکٹر عارف علوی دا ”اساڈاایمان کرپشن توں فری پاکستان“ دے موضوع نال منعقدہ سیمینار نال خطاب نیب تحقیقات دے عمل اچ کہیں دی کوئی ڈکٹیٹیشن کائناں گھنسی، نیب صرف تحقیقات کریندے ، کہیں پارٹی یا گروپ کوں نشانہ بناونڑ یا کہیں دی حمایت کرنڑ مقصد کائنی، ایہ کوئی مغلیہ سلطنت کائنی، نیب کوں کہیں وی بدعنوانی دی تحقیقات سانگے کہیں وی بندے تو پوچھ گچھ کرنڑ داقنونی حق ہے،نیب دیاں سزائیں دی شرح 70 فیصد ودھ گی ہے، چیئرمین نیب جسٹس (ر) جاوید اقبال داایوان صدر اچ سیمینار نال خطاب

اسلام آباد۔ 9 دسمبر( اے پی پی)صدرمملکت ڈاکٹرعارف علوی آکھیے جو بدعنوانی کوں قابو کیتے بغیر پاکستان ترقی دیاں منزلاں طے نی کرسگدا، پاکستان دی ترقی دی راہ اچ سبھ توں وڈی رکاوٹ کرپشن ہے، مشرقی پاکستان دے انج تھیونڑ اچ استحصال توں ودھ کرپشن دا ہتھ ہا۔صدر مملکت اتوار کوں ایوان صدر اچ انسدادبدعنوانی دے عالمی ڈینھ دے موقع تے منعقدہ تقریب نال خطاب کریندے پئے ہن۔ ایں موقع تے چیئرمین نیب جسٹس (ر) جاوید اقبال، پراسیکوٹر جنرل احتساب اصغر حیدر، منشیات اتے جرائم دے انسداد سانگے اقوام متحدہ دے ادارے دے کنٹری نمائندہ سیزر گودیس اتے سارے ملک توں احتساب افسروی موجود ہن۔صدر مملکت آکھیا جو ملک توں کرپشن مکاونڑدی لمبی جدوجہد اچ انہاں دا وی کرداررہے، میں سمجھداں جو مشرقی پاکستان دے انج تھیونڑ اچ استحصال توں ودھ کرپشن دا ہتھ ہا، جڈاںمشرقی پاکستان بنگلہ دیش بنڑیا تاں اساڈے چوراساڈے کنوں اتے انہاں دے چورانہاں دے کٹھے رہے۔ صدرمملکت آکھیا جو کرپشن پاکستان دی ترقی دی راہ اچ سبھ توں وڈی رکاوٹ ہے، لمبا عرصہ تئیں لوکیںاچ کرپشن دے حوالے نال حساسیت پیدانی تھیندی پی، میکوںخوشی ہے جو کرپشن مکاونڑ دی لمبی جدوجہد اچ میڈا وی ہک کرداررہے۔صدرآکھیا جوکرپشن ہائی، ہے اتے مستقبل اچ وی تھیسی ، حکومت اتے ادارے کرپشن گھٹ کرسگدن لیکن اینکوں مکمل طوت تے قابو کرنڑ مشکل ہوندے۔ انہاں آکھیا جو خداخوفی اتے احساس ذمہ داری ایجھی خصوصیات ہن جیرھاں جوکرپشن مکاونڑ اچ کلیدی کرداراداکرسگدن، خداخوفی اتے احساس ذمہ داری اگر صحیح معنیاں اچ ہوئے تاں کہیں قنون اتے عدالت دی ضرورت نی راہندی۔ صدر آکھیا جوحکومت اتے حکمران کوںسچا اتے امانت دارہونڑ چاہیدے۔ انہاں آکھیا جواگر قنون ہوئے اتے ایندے تے عمل درآمد نہ ہو ئے تاں ایں قنون دی حیثیت کاغذ دے ٹوٹا تو سوا کجھ نی ہوندی۔ایں موقع تےچیئرمین نیب جسٹس (ر) جاوید اقبال ایوان صدر اچ سیمینار نال خطاب کریندے ہوئیں آکھیا جونیب تحقیقات دے عمل اچ کہیں دی کوئی ڈکٹیٹیشن کائناں گھنسی، نیب صرف تحقیقات کریندے ۔انہاں آکھیا جو کہیں پارٹی یا گروپ کوں نشانہ بناونڑ یا کہیں دی حمایت کرنڑاسادا مقصد کائنی،جیرھا بندہ وی کرپشن اچ ملوث ہوسی نیب اوندی کرپشن دی تحقیقات کریسی۔انہاں آکھیا جو ایہ کوئی مغلیہ سلطنت کائنی، نیب کوں کہیں وی بدعنوانی دی تحقیقات سانگے کہیں وی بندے تو پوچھ گچھ کرنڑ داقنونی حق ہے،نیب دیاں سزائیں دی شرح 70 فیصد ودھ گی ہے۔