اسلام آباد ۔ 29 دسمبر(اے پی پی) محکمہ موسمیات آندے ہفتے ملک دے اتلے علاقیں تے وسطی علاقیں اچ مینھ وسنڑ تے برف پوونڑ دی پیش گوئی کر ڈتی اے ۔رپورٹ دے مطابق منگل اتے بدھ کوں کوئٹہ، ژوب، کوہاٹ، مالاکنڈ، ہزارہ ڈویژن، گلگت بلتستان اتے کشمیر اچ کہیں کہیں جاہ تے جڈاں جو پشاور، مردان، بنوں، ڈی آئی خان، سرگودھا، گوجرانوالہ، لاہور، راولپنڈی ڈویژن اتے اسلام آباد اچ کجھ جہیں تے مینھ وسسی تے پہاڑاں تے برف پوونڑ دا امکا ن اے ۔آندے 24گھنٹے اچ مالاکنڈ، ہزارہ، راولپنڈی ڈویژن، اسلام آباد، گلگت بلتستان اتے ،کشمیر،پشاور، کوہاٹ، مردان، بنوں، ڈی آئی خان، سرگودھا، فیصل آباد، گوجرانوالہ اتے لاہور ڈویژن اچ کجھ جہیں تے مینھ وسنڑ تے پہاڑاں تے برف پوونڑ دی توقع اے ۔اینویں پنجاب دے میدانی علاقیں ،اتلے سندھ تے پشاور اچ سویل تے رات دے ٹائم کوہیڑ پوونڑ دا امکان اے ۔
