ملتان ۔21 دسمبر (اے پی پی)ملتان کرکٹ سٹیڈیم اچ جاری 15ویں قومی نیشنل ٹی 20کپ اچ اسلام آباد ریجن کراچی ریجن کوں ڈو وکٹاں توں ہرا ڈتے۔ٹاس جیت تے اسلام آباد ریجن کراچی ریجن کوں پہلے بیٹنگ دی دعوت ڈتی ۔پورے 20اووراں اچ کراچی ریجن 6وکٹاں دے نقصان تے 156رنزبنڑائے۔دانش عزیز 43رنز،رمیض راجہ 30اتے خرم منظور 26رنزبنڑائے۔ اسلام آبادولوں عدیل ملک ڈو، عمادوسیم، ارسل شیخ، عمرگل اتے احمد بشیر ہک ہک وکٹ گھدی۔جواب اچ اسلام آباد ریجن اے ہدف 8وکٹاں تے پورا کر گھدے۔آصف علی شاندار 97رنز بنڑائے اتے علی سرفراز 26سکور کیتے۔ کراچی ولوں محمد اصغرترائے ، ارشد اقبال ڈو اتے رضا حسن ہک وکٹ گھدی۔