اسلام آباد ۔ 24 دسمبر (اے پی پی) وزارت خارجہ امور 27 اتے 28 دسمبر کوں وزارت تجارت اتے سرمایہ کاری بورڈدے گانڈھے نال اسلام آباداچ اقتصادی سفارتکاری بارے سفیراں دی کانفرنس کرویندے پین جیندے اچ جگ دے مختلف ملکاں دے پاکستان اچ تعینات سفیر اتے مشناں دے سربراہ اتے نجی شعبہ دے نمائندگان شرکت کریسن، کانفرنس اچ براہ راست غیر ملکی سرمایہ کاری اتے تجارت بالخصوص برآمدات اچ ودھارے دے طریقیاں تے غور کیتا ویسی۔ کانفرنس اچ وزیر خارجہ شاہ محمود قریشی ،وزیر خزانہ اسد عمر، وزیراعظم دے مشیر برائے تجارت، ٹیکسٹائل و انڈسٹری عبدالرزاق داﺅد، مشیر برائے ادارہ جاتی اصلاحات و کفایت شعاری ڈاکٹر عشرت حسین اتے سرمایہ کاری بورڈ دے چیئرمین ہارون شریف وی شرکت کریسن ۔وزیراعظم عمران خان 28 دسمبر کوں اختتامی نشست اچ شرکت کریسن۔
