اقوام متحدہ ۔ 13 دسمبر (اے پی پی) اقوام متحدہ دی جنرل اسمبلی اچ پاکستان اتے فلپائن ولوں بین المذاہب اتے بین الثقافتی ہم آہنگی دے ودھارے کیتے پیش کیتی گی قرار داد تے بحث کیتی گی تاں جو دنیا اچ امن و امان دے کلچر دے ودھارے کیتے عدم تشدد تے مبنی تعلیم، برداشت اتے سانجھے تعاون کوں ودھاونڑ دا رستہ بنڑایا ونج سگدے ۔ 193 رکنی جنرل اسمبلی دے اجلاس دے بعد اقوام متحدہ اچ پاکستانی سفیر ملیحہ لودھی اے پی پی نال گال مہاڑ کریندے ہوئیں آکھیا جو اجوکے سال عالمی سطح تے ثقافتی تے مذہبی ڈائیلاگ دے مثبت انعقاد کیتے 49 توں ودھ ملکاں دے ریکارڈ سطح تے قرار داد دی حمایت کیتی اے ۔ انہاں آکھیا جو اقوام متحدہ دی جنرل اسمبلی یو این دے چارٹر اتے انسانی حقوق دی تنظیم د نظریے دے پیش نظر رکن ملکاں تے زور ڈتے جو دنیا اچ انسانی حقوق تے بنیادی حقوق دیاں آزادیاں دی فراہمی یقینی بنڑاونڑ کیتے اقدامات کرن انہاں آکھیا ایں وقت دنیا دے مختلف ملکاں اچ اسلام دے خلاف منفی پراپیگنڈہ دے خاتمے کیتے مذاکرات دی ضرورت اے ۔
