اسلام آباد ۔ 10 دسمبر (اے پی پی) وفاقی وزیر برائے امور کشمیر و گلگت بلتستان علی امین خان گنڈاپور آکھیے جو بدعنوان عناصر دے خلاف بغیر کہیں وانجھ دے کارروائی تھیونڑی چاہیدی اے۔ہک نجی ٹی وی چینل نال الویندے ہوئیں انہاں آکھیا جو گزریل حکومتاں ارباں روپے دے قرض گھدن جیں پاروں ملک اقتصادی بحران دی ولھیٹ اچ آئے،اپوزیشن احتساب توں بچنڑ کیتے حکومت تے بلاوجہ تنقید کریندی پئی اے،کہیں بدعنوان کوں نہ چھڑیسوں، جیہڑا وی بدعنوانی اچ ملوث اے اوکوں ملکی قانون دے مطابق سزا ملنڑی چاہیدی اے۔
