تحریک انصاف دے ارکان سینیٹ اجلاساں اچ حاضری یقینی بنڑاون،وزیراعظم

اسلام آباد ۔ 13 دسمبر (اے پی پی) وزیر اعظم عمران خان پاکستان تحریک انصاف دے ارکان سینیٹ کو ںایوان بالادے سارے سیشن اچ حاضری یقینی بنڑاونڑ دی ہدایت کریندے ہوئیں آکھیے جو او مختلف شعبہ جات اچ حکومت ولوں تھیونڑ آلی اصلاحات، ترقیاتی منصوبیں اتے منصوبہ بندی بارے پی ٹی آئی دی بھرپورنمائندگی کرن ۔ انہاں اے گال سینیٹ اچ قائد ایوان سینیٹر شبلی فراز دی قیادت اچ خیبر پختونخوا نال تعلق رکھنڑ آلے پی ٹی آئی دے سینیٹرز نال گال مہاڑ کریندے ہوئیں آکھی جنہاں خمیس کوں وزیرا عظم آفس اچ انہاں نال ملاقات کیتی ۔ وزیراعظم پی ٹی آئی دے سینیٹرز کوں ہدایت کیتی جو او ایوان بالاں کوں حکومتی اقدامات بارے ڈساون تے حکومت ولوں مختلف شعبہ جات اچ تھیونڑ آلی اصلاحات ، ترقیاتی منصوبیں اتے منصوبہ بندی بارے ایوان بالا اچ پی ٹی آئی دی بھرپور نمائندگی کرن۔