حسن ابدال ۔ 19 دسمبر (اے پی پی) صدر مملکت ڈاکٹر عارف علوی آکھیے جو تعلیم تے توجہ کراونڑ معاشرے دے سارے طبقیں دی ذمے واری اے حکومت تعلیم دے ودھارے کیتے ساریاں ممکن کوششاں کریندی پئی اے ،نینگراپنڑیاں بھرپور صلاحیت نال ملک کوں ترقی دے رستے تے ٹورنڑ کیتے اپنڑاں کردار ادا کرن تاں جوعالمی برادری اچ عظمت بحال تھیوے ۔اے گال انہاں اتھاں بدھ کوں کیڈٹ کالج حسن ابدال اچ سالانہ تقریب نال خطاب کریندے ہوئیں آکھی ۔ صدر مملکت کالج اچ طالب علماں کوں ڈتیاں ونجنڑ آلیاں سہولتاں تے معیار تعلیم تے مسرت دا اظہار کریندے ہوئیں آکھیا جو چنگے معاشرے اچ بالاں دی تعلیم تے تربیت اہمیت رکھیندی اے ۔ماضی اچ تعلیم ہک مشن دی حیثیت رکھیندی ہئی ۔صدر مملکت آکھیا جو ایمان، اتحاد اتے تنظیم بحثیت قوم اساں کیتے سنہری اصول ہن جیں تے عمل کرتے اگی تے ودھیا ونج سگدے ۔انہاں طالب علماں کوں تاکید کیتی جو او محنت دے ذریعے سارے شعبیں اچ گی تے ودھن تے ملک دا ناں روشن کرن۔
