اسلام آباد ۔ 13 دسمبر (اے پی پی) وزیر خارجہ شاہ محمود قریشی آکھیے جو جموں تے کشمیر اساڈی خارجہ پالیسی دا اہم ستون اے ،عالمی اداریں ولوں بنڑائے گے غیر جانبدارانہ کمشنز بھارت دی کمشیر اچ انسانی حقوق دیاں خلاف ورزیاں دا پردہ فاش کر ڈتے۔ دفتر خارجہ دے ترجمان دے مطابق انہاں اے گال کشمیر امریکن کونسل دے چار رکنی وفد نال گال مہاڑ کریندے ہوئیں آکھی جنہاں خمیس کوں اتھاں وزارت خارجہ اچ انہاں نال ملاقات کیتی ۔ملاقات دے دوران بھارت ولوں مقبوضہ کشمیر اچ انسانی حقوق دیاں خلاف ورزیاں دے حوالے نال گال مہاڑ کیتی گی۔ وزیر خارجہ شاہ محمود قریشی بین الاقوامی سطح تے مسئلہ کشمیر کوں اجاگر کرنڑ دے حوالے نال کشمیری تارکین وطن دیاں کاوشاں دی تعریف کیتی تے آکھیا جو کشمیر اساڈی خارجہ پالیسی دا اہم ستون اے ۔وزیر خارجہ آکھیا کشمیر عالمی طور تے تسلیم شدہ مسئلہ اے جیں دا منصفانہ، قابل قبول حل، کشمیری عوام دی خواہشات دے مطابق تھیونڑاں چاہیدے ۔
