جیں وی جنوبی پنجاب دی مخالفت کیتی، منہ پاونڑ جوگا نہ راہسی، وزیراعظم

اسلام آباد۔ 3 دسمبر (اے پی پی)وزیراعظم عمران خان آکھیے جوجنوبی پنجاب صوبہ بنڑاونڑ ہک بہوں وڈا اتے لمبا مرحلہ اے، ایندے تے سینیٹ اچ مسلم لیگ ن اتے پیپلز پارٹی نال گالھ کرنڑ دا مطلب ڈوہاں جماعتاں دے خلاف اپنڑے موقف توں پچھو ہٹنڑ اے،اینجھا قانون گھدی آندے ہیں جیکر کہیں وی ایندی مخالفت کیتی تاں او عوام اچ ونجنڑ دالائق نہ رہسی۔اے گالھ وزیراعظم عمران خان اسلام آباد اچ سینئر صحافیاں اتے اینکرزنال ملاقات اتے حکومت دی آندی حکمت عملی بارے تفصیلی انٹرویواچ آکھی۔وزیراعظم واضح کیتے جنوبی پنجاب صوبے کیتے قانونی اصلاحات گھن آیاں ویسن جیکر کہیں مخالفت کیتی تاں منہ پاونڑ جوگا نہ ہوسی۔ وزیراعظم آکھیے جو لوکاں دا اصل مسلہ انہاں دا حق نہ ملنڑ اے سابقہ دور اچ جنوبی پنجاب کوں محروم رکھیا گئے۔ جنوبی پنجاب صوبے بارے وسطی پنجاب اچ اکثریت نہ ہوونڑدے سوال تے وزیراعظم واضح کیتے جو حالی ویلھا کائنی، جڈاں موقع ہویا ڈٹھا ویسی،لوڑھ پئی تاں وسیم اکرم کوںسڈ گھنوں ،تھی سگدے ملک اچ ویلھے توں پہلے انتخابات تھی ونجن، کہیں کونوں بلیک میل نہ تھیسوں۔