اسلام آباد ۔ 12 دسمبر (اے پی پی) وفاقی وزیر منصوبہ بندی، ترقی و اصلاحات مخدوم خسرو بختیار آکھیے جو حکومت ادارہ جارتی اصلاحات دے ذریعے سارے اداریں کوں مضبوط کرنڑ سانگے پر عزم اے جیں نال سارے ادارے ملکی معاشی تے سماجی ترقی اچ اپنڑاں کردار ادا کر سگسن ۔اے گال انہاں بدھ کوں”پاکستان دی معیشت ترقی دے رستے تے “ دے حوالے نال ترائے ڈینھ دی کانفرنس نال خطاب کریندے ہوئیں آکھی ۔وفاقی وزیرآکھیا جو موجودہ حکومت ٹیکس وصولی دی شرح اچ ودھارے کیتے اقدامات کریندی پئی اے ۔ماضی اچ مصنوعی طریقے نال معیشت دی ترقی ڈکھائی گی ۔انہاں آکھیا کھپت تے سرمایہ کاری اچ عدم توازن دی وجہ توں کرنٹ اکاﺅنٹ گھاٹے دا سامنڑاں اے جیں پاروں کرنسی دباﺅ دا شکار رہی ۔وفاقی وزیر آکھیا جو انسانی وسائل دی ترقی ، جدید ٹیکنالوجی پائیدار بنیاداں تے زرعی شعبے دی ترقی سماجی تحفظ اتے مالیاتی انکلوژن تے توجہ کریندی پئی اے ۔انہاں آکھیا ماضی اچ چار سال اچ نجی شعبے دی سرمایہ کاری 10.4 فیصد توں گھٹ تھی تے 9.8 فیصد تے آگی جڈاں جو سرکاری شعبے دی سرمایہ کاری اچ 1.2 فیصد ودھارا تھے ۔انہاں آکھیا سانجھی تعاون کمیٹی دا اجلاس 20دسمبر کوں بیجنگ اچ تھیسی ۔
