اسلام آباد ۔ 20 دسمبر (اے پی پی) سینٹ کوں ڈسایا گے جو افغان حکومت سلامتی دی غیر معمولی صورت حال دی وجہ توں افغانستان اچ قید پاکستانیاں دی تعداد دی معلومات دا تبادلہ کائنی کیتا ،حکومت مجرماں دے تبادلے کیتے مفاہمتی یاداشت تے کم کریندی پئی اے ۔اپنڑاں کم مکمل تھیونڑ دے بعد دستخط کیتے ایم او یو دا افغانستان دا تبادلہ کیتا ویسی ۔خمیس کوں سینیٹ اجلاس اچ سوالاں دے وقفے دے دوران سینیٹر لیاقت خان ترکئی دے سوال دے جواب اچ وزارت خارجہ ولوں تحریری طور تے ڈسایا گے جو افغانستان اچ سلامتی دی غیر معمولی صورتحال اے جتھاں ٹھوس معلومات دستیاب کائنی ہوندیاں پاکستان کیتے افغانستان اچ قید پاکستانیاں کو ں قانونی معاونت فراہم کرنڑ بہوں اوکھا بنڑا ڈیندے ۔ وزیر خارجہ شاہ محمود قریشی 15 ستمبر 2018ءدے اپنڑے دورہ کابل دے دوران ایں مسلے کوں افغان قیادت دے نال چاتے ۔
