حکومت میڈیا کوں پیشہ ورانہ ذمے واریاں نبھاونڑ سانگے ساریاں سہولتاں ڈیسی،وزیر اعظم

اسلام آباد ۔ 18 دسمبر (اے پی پی)وزیراعظم عمران خان وزارت اطلاعات دی قیادت تے بھرپور اعتماد دا اظہار کریندے ہوئیں ایں خواہش دا اظہار یتے جو وزارت اطلاعات کوں میڈیا متعلق سارے امور اچ قائدانہ کردار ادا کرنڑاں چاہیدے،حکومت عالمی سطح تے پاکستان دے تشخص کوں نشابر کرنڑ تے عوام اچ حکومت دے اصلاحاتی تے تبدیلی دے ایجنڈے کوں نمایاں کرنڑ کیتے ہر ممکن معاونت اتے وسائل فراہم کریسی ۔اے گال انہاں وفاقی وزیر اطلاعات و نشریات چوہدری فواد حسین نال گال مہاڑ کریندے ہوئیں آکھی جنہاں منگل کوں وزیراعظم آفس اچ انہاں نال ملاقات کیتی۔ چوہدری فواد حسین وزیراعظم کوں وزارت اطلاعات متعلق امور، ریاستی میڈیا اداریں، پاکستان براڈکاسٹنگ کارپوریشن اتے پاکستان ٹیلی ویژن کارپوریشن کوںفعال اتے تیز بنڑاونڑ کیتے کیتیاں ونجنڑ آلیاں اصلاحات بارے ڈسایا ۔وزیراعظم آکھیا موجودہ حکومت آزادی اظہارتے ملک دی سماجی تے اقتصادی ترقی اچ میڈیا دے آزادانہ، فعال اتے ذمہ دارانہ کردار تے پورا یقین رکھیندی اے ۔وزیراعظم اعادہ کیتے جو حکومت میڈیا کو ں اپنڑیاں پیشہ وارانہ ذمے واریاں پوریاں کرنڑ سانگے ہر ممکن سہولت ڈیسی ۔ ملاقات اچ سیکرٹری اطلاعات شفقت جلیل وی موجود ہن ۔