راولپنڈی ۔ 13 دسمبر (اے پی پی) وفاقی وزیر ریلوے شیخ رشید احمد آکھیے جو پاکستان تحریک انصاف دی حکومت خصوصی لوکاں کوں معاشرے دا کارآمد شہری بنڑاونڑ کیتے سارے اقدامات کوں یقینی بنڑیسی تے انہاں کوں باعزت روزگار دے حصول اچ سارے موقع ڈیسی ۔خمیس کون راولپنڈی آرٹس کونسل دی سانجھ نال ڈسٹرکٹ سپیشل ایجوکیشن دے اہمتام نال خصوصی لوکاں کیتے منعقدہ پروگرام نال خطاب کریندے ہوئیں وفاقی وزیر آکھیا جو حکومت خصوصی لوکاں دی خود کفالت کیتے پرعزم اے ۔ایں موقع تے وفاقی وزیر ریلوے شیخ رشید احمد خصوصی لوکاں کیتے سپیشل پیکج دا اعلان کریندے ہوئیں آکھیے جو پاکستان ریلوے نابینا لوکاں کوں مفت سہولت پیش کیتی اے جڈاں جو نابینا مسافر دے رلے ہک بندے کوں ادھا کرایہ ڈیونڑاں پوسی ۔انہاں آکھیا ریلوے اسٹیشن تے خصوصی لوکاں کوں سہولت دی فراہمی کیتے فوکل پرسن دی تعیناتی وی کر ڈتی گی اے ،خصوصی لوکاں کوں سہولتاں دی فراہمی اساڈی اخلاقی تے مذہبی ذمے واری اے ۔
