اسلام آباد ۔ 28 دسمبر (اے پی پی) خارجہ اموربارے مشاورتی کونسل بنڑا ڈتی گئی ایں سانگے وزیر اعظم مشاورتی کونسل دے قیام دی باضابطہ منظوری ڈتی اے جیہڑی خارجہ پالیسی بارے غیر جانبدارانہ رائے ڈیسی۔ ایڈوائزری کونسل اچ تجربہ کارلوک،سابق سفرائ، فارن سیکرٹری وی شامل ہوسن۔ وزیر خارجہ شاہ محمود قریشی کونسل دے چیئر مین ہوسن جڈاں جو ارکان اچ سابق سفرا سلمان بشیر، جلیل عباس جیلانی، اشرف جہانگیر قاضی، محمد صادق، ڈاکٹر رفعت حسین، ڈاکٹر ہماباقی،ڈاکٹر حسن عسکری رضوی،ڈاکٹر عادل نجم،ڈاکٹر رابیعہ اختر ،قاسم نیاز ،وزیر قانون و انصاف،وزیر خزانہ،مشیر تجارت،ٹیکسٹائل و صنعت و پیداوار،وزیر منصوبہ بندی ترقی و اصلاحات،سیکرٹری خارجہ،ڈائریکٹر جنرل انسٹی ٹیوٹ آف سٹریٹجک سٹڈیز اسلام آباد،ڈائریکٹر جنرل فارن سروس اکیڈمی اتے ایڈیشنل سیکرٹری فارن منسٹر آفس شامل ہین۔ کونسل دے ارکان اعزای طور تے کم کریسن جیکر لوڑھ پئی تاں وزیر خارجہ متعلقہ شعبے اچ اہلیت اتے تجربے پاروں ایڈہاک اضافی کونسل دے ارکان وی لاءسگسن۔
