راولپنڈی ۔ 5 دسمبر (اے پی پی) وفاقی وزیر ریلوے شیخ رشید احمد آکھیے جو ریلوے دا گھاٹا ختم کرنڑ سانگے سالانہ ڈاہ ارب روپے منافع حاصل کرنڑ داہدف رکھیا گے ،ریلوے دی کامیابی سی پیک منصوبے سانگے فائدہ مند ثابت تھیسی۔کوئٹہ توں کراچی کیتے وختی ڈو نویاں ریل گاڈیاں چلائیاں ویسن،ریلوے ہسپتالاں اچ علاج کیتے بہترین سہولتاں ڈتیاں ویسن تاں جو ریلوے ملازمین اپنڑاں علاج کرا سگن ۔او بدھ کوں اتھاں ریلوے ہسپتال راولپنڈی اچ نویں لیب دا افتتاح کرنڑ دے موقع تے میڈیا نال گال مہاڑ کریندے پئے ہن ۔انہاں آکھیا 12سال پہلے جیرھے منصوبے دا افتتاح کیتا گیا ہئی او رکیا پئے ،ریلوے ٹریک دی حالت خراب اے جیںکوں بہتر کرنڑ سانگے لوکاں کوںبھرتی کریندے پیوں ۔ شیخ رشید احمد آکھیا جو انہاں ہک روپیہ لاتے بغیر 10ریل گاڈیاں چلا ڈتن تے مزید وی چلیسوں ،خواہش اے جو ایم ایل ٹو تھری دا وی افتتاح کروں ، پاکستان ریلوے 65 فیصد آبادی توں گزردی پئی اے ، کوشش ہوسی جو نالہ لئی تے ریلوے ٹریک وچھایا ونجے ۔انہاں آکھیا ہک ڈینھ اچ 9 کروڑ 70 لکھ روپے دی تاریخی آمدن تھئی اے، ریلوے دے کرائے اچ ودھارا کیتے لیکن 100 ریل گاڈیاں کوں حالی کائنی چھیڑیا ،10 ارب دے منافع تئیں پج ویسوں ۔ شیخ رشید احمد آکھیا جو حالی ریل گاڈیاں گھٹ ہن لیکن کجھ ڈینھ اچ مزید چلیسوں ۔اجوکے مہینے رحمان بابا ریل گاڈی دا افتتاح کریسوں، ریلوے تے لوکاں اعتماد کیتے ۔
