اسلام آباد ۔ 8 دسمبر (اے پی پی) وزیر مملکت پارلیمانی امور علی محمد خان آکھیے جو پاکستان تحریک انصاف دی حکومت احتساب دی مکمل حامی ہے، سارے کرپٹ لوکاں دے خلاف بلاتفریق احتساب جاری راہسی۔ ہک نجی ٹی وی چینل نال گالھ بات کریندے ہوئیںانہاں آکھیا جوقومی احتساب بیورو مکمل طور تے آزاد اتے خودمختار ادارہ ہے، حکومت دا ایندے سرکاری معاملات نال کوئی تعلق کائنی۔ انہاں آکھیا جو نیب دے موجودہ چیئرمین دی نامزدگی اتے تقرری پاکستان مسلم لیگ (ن) دی سابقہ حکومت کیتی ہائی، شریف خاندان اتے پاکستان پیپلز پارٹی دی قیادت دے سارے مقدمات اتے ریفرنسزوی پاکستان مسلم لیگ (ن) دی سابق حکومت دے دور اچ شروع تھئے۔ وزیر مملکت دا آکھنڑ ہا جو حکومت نواں پاکستان ہاﺅسنگ سکیم جئے فلاحی منصوبے غریب عوام سانگے شروع کیتے ہن جڈاں جو وزیراعظم عمران خان شیلٹر منصوبہ انہاںبے گھر لوکیں سانگے شروع کیتے جیرھا جوسڑکاں تے راہندے اتے سمدے ہن ۔ جعلی اکاﺅنٹس بارے پوچھے گئے ہک سوال دے جواب اچ انہاں آکھیا جو وفاقی تحقیقاتی قومی ادارہ (ایف آئی اے) ہے جینکوں جعلی اکاﺅنٹس دے سارے کیساں دی تحقیقات اچ اپنڑان کردار ادا کرنڑ چاہیدے۔
