سانحہ آرمی پبلک سکول پشاور اچ شہید تھیونڑ آلیاں کوں ہمیشہ یاد رکھیا ویسی،چیئرمین سینیٹ

اسلام آباد ۔ 16 دسمبر(اے پی پی)چیئرمین سینیٹ صادق سنجرانی اے پی ایس پشاوردے شہیداں کوں خراج عقیدت پیش کریندے ہوئیں آکھیے جو تعلیم ا وہ واحد ہتھیار ہے جینفی وجہ نال اساں انتہا پسندی ، دہشت گردی کو ں ہرا سگد وں۔اتوار کوں جاری پیغام اچ چیئرمین سینٹ آکھیے جو16دسمبر دا ڈینھ اساکوں اوں سیاہ ڈینھ دی یاد ڈیوندے جڈاں دہشت گرداں آرمی پبلک سکول پشاور دے معصوم بالاں کوں نشانہ بنڑایا ۔انہاں آکھیا جو ایں سانحے اچ وچھڑن آلیاں کوں ہمیشہ یاد رکھیا ویسی۔انہاں آکھیا وج پوری قوم معصوم شہیدان دے ماں پیو دے ڈکھ اچ برابر دی شریک ہے اتے قوم دہشت گردی دے خلاف جنگ اچ اوہ قیمت ادا کیتی جیندا کوئی اندازہ نی لاتا ونج جا سگدا۔انہاں آکھیا جوتعلیم ہی ا وہ ہتھیار ہے جیندی وجہ نال اساں انتہا پسندی اتے دہشت گردی کوں مستقل طور تے ہرا سگدوں۔چیئرمین سینیٹ آکھیاجو افواج پاکستان اتے قنون نافذ کرنڑ آلے سارے اداریاں اتے انہاں دے ہیروز کوں سلام پیش کریندوں ،جنہاں دہشت گردی دے خلاف جنگ اچ قربانیاں ڈتیاں۔