اسلام آباد ۔ 21 دسمبر (اے پی پی) جمعے کوں سینیٹ اچ سوالاں دے وقفے دے دوران سینیٹر مشتاق احمد تے سینیٹر جاوید عباسی دے سوال دے جواب اچ وزیر مملکت ریونیو حماد اظہر آکھیے جو 29 ملکاں اچ پاکستانیاں دے ڈڈھ لکھ اکاﺅنٹس اچوں 10توں11ارب ڈالر تھی سگدن، سوئٹزرلینڈاچ 200 ارب ڈالر موجود ہوونڑ دی گال سابق وزیر خزانہ اسحق ڈار2013ءاچ اسمبلی اچ کیتی ہئی ، سوئٹزر لینڈ دے نال پہلے معاہدہ مکمل کائناں ہئی ،ہنڑ اساں معاہدہ مکمل کر گھدے ، جنوری توں سوئس اکاﺅنٹس دے حوالے نال تفصیل آونڑ شروع تھی ویسی ۔انہاں آکھیا موجودہ حکومت معاہدہ مکمل کر گھدے جنوری اچ ایں سلسلے اچ پیشرفت تھیسی ،29ملکاں دے اعداد شمار سامنڑے آچکن ،ڈڈھ لکھ اکاﺅنٹس اچ 10توں 11ارب ڈالر تھی سگدن ۔
