اسلام آباد ۔ 5 دسمبر (اے پی پی) سپیکر قومی اسمبلی اسد قیصر دہشت گردی دے خلاف اقدامات دے حوالے نال منعقدہ کانفرنس اچ شرکت سانگے اج خمیس کوں تہران روانہ تھیسن ۔ایران دی سرکاری نیوز ایجنسی دے مطابق دہشت گردی دے خلاف اقدامات دے حوالے نال پہلی کانفرنس گزریل سال اسلام آباد اچ منعقد تھی ہئی ۔تہران اچ تھیونڑ آلی اے ڈوجھی کانفرنس ہوسی ۔ سپیکر قومی اسمبلی اسد قیصر پاکستان دے پارلیمانی وفد دی قیادت کریسن ۔ کانفرنس اچ 6 ملکاں دے پارلیمانی وفد شرکت کریسن۔ جمعہ اتے ہفتہ کوں منعقدہ کانفرنس دی صدارت پاکستان ولوں ایران کوں ڈتی ویسی ۔ کانفرنس اچ ایران، پاکستان، روس، چین، افغانستان اتے ترکی دے پارلیمنٹیرینز شرکت کریسن ۔ کانفرنس کراونڑ دا مقصد دہشت گردی دے خطرات دے خلاف اقدامات دے حوالے نال خطے دے ملکاں وچال اشتراک کار کوں چنگاں بنڑاونڑاں اے ۔
