لندن۔06 دسمبر(اے پی پی)وفاقی وزیر اطلاعات و نشریات چوہدری فواد حسین آکھیے جو سی پیک اہم ترین اقتصادی منصوبہ اے ،یورپی یونین سمیت بئے ملک ایندے اقتصادی موقع توں فائدہ چا سگدن ،کرتار پور راہداری دے افتتاح نال نویں تاریخ رقم تھئی اے ،او گزریل ڈینھ اتھاں انٹر نیشنل انسٹی ٹیوٹ آف سٹریٹیجک سٹڈیز اچ خطاب کریندے پے ہن ، وفاقی وزیر اطلاعات و نشریات چوہدری فواد حسین آکھیے جو وزیراعظم عمران خان دے منصب سنبھالنڑ دے بعدسعودی عرب تے چین دے نال تعلقات کوں نئی بلندی تے وسعت ملی اے،پاک امریکا تعلقات اچ بہتری آندی پئی اے ،تحریک انصاف دا اقتدار اچ آونڑ معاشرے دے متوسط طبقے دا بدعنوانی اتے” سٹیٹس کو“ دے خلاف انقلاب اے، پہلی واری طاقتور لوک قانون دا دباﺅ محسوس کریندے پن ، سول تے عسکری اداریں اچ شاندار ہم آہنگی اے،۔وفاقی وزیر اطلاعات و نشریات چوہدری فواد حسین آکھیا جو پاکستان ہک خوبصورت ملک اچ جیں کوں پوری دنیا جانڑ کائنی سگدی ،1980ءتوں تباہ کن حالات دا سامنڑاں رہیا ، کوئی بیا ملک ایجھے حالات دا شکار تھیا تاں ایندا بچ نکلنڑ اوکھا ہئی ۔وزیر اطلاعات چوہدری فواد حسین آکھیا جو پاکستان انہاں چلینج نال نبڑیے۔مسلم ملکاں تے تریجھی دنیا اچ جدید ملک بنڑ تے سامنڑے آئے ،پاکستان اچ سارے ادارے فعال ہن تے اپنڑیاں ذمے واریاں چنگے طریقے نال پوریاں کریندے پن ۔انہاں آکھیا پاکستان اچ عدلیہ آزاد تے متحرک میڈیا اے، پاکستان اچ میڈیا کو ں آزادی حاصل اے ،انہاں آکھیا وزیراعظم عمران خان دی قیادت اچ حکومت ڈا قیام پاکستانی قوم دی سیاسی پختگی دا مظہر ہے۔ امریکی صدر دا پاکستان دے وزیر اعظم کوں خط اتے افغانستان کیتے خصوصی نمائندہ زلمے خلیل زاد دی وزیراعظم نال ملاقات، تعلقات اچ بہتری دا ثبوت اے،وزیراعظم پاکستان افغانستان اچ امن تے استحکام کیتے بہترین تجویز پیش کیتی اے ۔انہاں آکھیا کشمیر دا مسئلہ ہنڑ حل تھیونڑاں چاہیدے ، پاکستان بھارت سمیت سارے ہمسائے ملکاں نال چنگے تعلقات چاہندے ۔بعد اچ وزیر اطلاعات دی انٹر نیشنل اسٹی ٹیوٹ آف سٹریٹیجک سٹیڈیز دے اعلیٰ عہدیداراں نال ملاقات کیتی ، وزیر اطلاعات کوں انسٹی ٹیوٹ دے ڈھانچے اتے ورکنگ دے حوالے نال بریفنگ ڈتی گی ۔ایں موقع تے انسٹی ٹیوٹ آف ریجنل سٹڈیز اتے انٹر نیشنل انسٹی ٹیوٹ آف سٹریٹیجک سٹڈیز وچال تعاون ودھاونڑ تے گال مہاڑ تھئی۔
