اسلام آباد ۔ 08دسمبر (اے پی پی) صدر مملکت ڈاکٹر عارف علوی جنوبی ایشیاءاچ پائیدار اقتصادی ترقی دے ڈھگ سارے مواقع کوں اجاگر کریندے ہوئیں آکھیے جو پاکستان خطے د ے بئے ملکاں دے کٹھے جنوبی ایشیاءاچ غربت، ناخواندگی، بیماری، غذائی گھٹکی اتے بے روزگاری نال رل مل تے نبڑن م دے نال جھیڑاں توں پاک خطہ داوژن رکھیندے۔ صدرمملکت ا یہ گالھ 34 ویں سارک چارٹر ڈے دے موقع تے اپنڑے ہک پیغام اچ آکھی جیرھا جو (اج) ہفتے کو ں منایا ویندا پئے۔ صدر 34 واں سارک چارٹر ڈے مناونڑ تے سارک دے رکن ملکاں اتے عوام کوں دلی مبارخباد ڈیندے ہوئیں آکھیے جو سارک بین العلاقائی تعاون دے مختلف شعبیں اچ قابل ذکر پیش قدمی کیتی ہے،ا یہ خطہ انسانی اتے قدرتی وسائل نال مالا مال ہے اتے جنوبی ایشیاءاچ پائیدار اقتصادی ترقی دے ڈھگ ساری صلاحیت رکھیندے۔ صدر مملکت آکھیے جوسارک چارٹر ڈے تنظیم دے اعلیٰ مقاصد نال اساڈی وابستگی دی تجدید دا ڈینھ ہے، ایہ اوہ پلیٹ فارم ہے جیرھا غربت مکاونڑ، سماجی تے اقتصادی برابری پیدا کرنڑ، تریمتیںکوں بااختیار بناونر اتے اپنڑے خطے کوں خوشحال، پرامن اتے ترقی پسند مستقبل ڈیونڑ دے اپنڑے خواباں کوں حقیقت بنراونڑ اچ مدد گار تھی سگدے ۔ انہاں آکھیے جواپنڑے خطے سانگے اساڈا وژن جھیڑاں توں پاک جنوبی ایشیاءہے جتھاں اساںغربت، ناخواندگی، بیماری، غذائی گھٹکی اتے بے روزگاری نال نبڑ سگوں۔ صدر مملکت اپنڑے پیغام اچ جنوبی ایشیاءدے خطے دے عوام دی ترقی، خوشحالی اتے امن سانگے نیک خواہشات دا اظہار کیتا۔
