ابوظہبی۔ 3 دسمبر (اے پی پی) نیوزی لینڈ پاکستان دے خلاف آخری اتے فیصلہ کن کرکٹ ٹیسٹ میچ دے پہلے ڈینہہ کھیڈ مکنڑتئیں اپنڑی پہلی اننگز اچ 7 وکٹاں تے 229 رنزبنڑا گھدن، 72 رنز تے پہلیاں 4 وکٹاں دھاونڑ توں بعد ولیمسن 89 رنز دی ذمہ دارانہ اننگز کھیڈ تے ٹیم کوں اوکھ اچوں کڈھیے، پاکستانی سپنریاسر شاہ دیاں 3، بلال آصف دی 2، شاہین شاہ اتے حسن علی دی ہک ہک وکٹ گھدی۔نیوزی ولوں واٹلنگ 42 اتے ولیم سومر ویلی 12 رنزنال کھیددے پین۔ٹام لیتھم اتے جیت راول ٹیم کوں 24 رنز دا آغاز ڈتے۔ شاہین شاہ آفریدی راول کوں چار رنز تے آﺅٹ کرتے نہ صرف کیریئر دی پہلی وکٹ گھدی ۔70 دے سکور تے یاسر شاہ مسلسل ڈو گینداں تے روز ٹیلر اتے ہنری نیکولز کوں آﺅٹ کرتکے حریف ٹیم تے دباﺅ پا ءڈتے۔ٹیل صف اتے نیکولس ہک رن بنڑاتے آﺅٹ تھین۔اگلے اوور اچ یاسر شاہ لیتھم کوں وی 45 رنزتے پویلئن بھیج ڈتے۔ایں موقعے تے کپتان کین ولیمسن بی جے واٹلنگ نال رل تے پنجویں وکٹ تے 104 قیمتی رنز جوڑ ین بھل 176 دے مجموعی سکورتے حسن علی کین ولیمسن کوں آﺅٹ کرتے پارٹنر شپ تروڑ ڈتی۔کولن ڈی گرینڈ ہوم 20 رنزتے بلال آصف دا شکار بنڑین۔ ٹم ساﺅتھی وی صرف 2 رنزتے بلال آصف دے ہتھیں لگ گین۔ پہلے ڈینہہ کھیڈ مکیے تاں نیوزی لینڈ پہلی اننگز اچ 7 وکٹاں تے 229 رنز بنڑا گھدن۔
