اسلام آباد ۔ 12 دسمبر (اے پی پی)وزیراعظم عمران خان آکھیے جو قدرتی وسائل نال مالا مال صوبہ بلوچستان دا سب توں وڈا مسلہ گورننس اے،بلوچستان دے ترقیاتی فنڈزکرپشن وات تھی گین،نوین بلدیاتی نظام اچ ترقیاتی فنڈز دیہات دی سطح تے ڈتے ویسن،سی پیک بلوچستان کیتے ترقی و خوشحالی دا رستہ بنڑسی۔ اے گالھ انہاں کیڈٹ کالج قلعہ سیف اللہ دے طلبہ نال ہک ملاقات اچ آکھی۔ ایں موقع تے وفاقی وزیر برائے دفاعی پیداوار زبیدہ جلال وی موجودہن۔ بلوچستان دے مختلف علاقیاں دے کیڈٹ کالج قلعہ سیف اللہ دے کیڈٹس وزیرِ اعظم نال بلوچستان دی مجموعی صورتحال، بلوچستان دے مسائل، تعلیم اتے بئے مسلیاں تے الوایا۔ وزیراعظم آکھیا جو بلوچستان قدرتی وسائل نال مالا مال اے بھل ماضی اچ ایندے ترقیات فنڈز کرپشن وات رہ گین جیں پاروں اے ترقی نئیں کرسگیا،تحریک انصاف دی حکومت سابقہ حکومتاں آلی کار نئیں، اساںبلوچستان اچ احساس محرومی مکاونڑ کیتے گڈ گورننس اتے انتظامی اصلاحات یقینی بنڑیسوں،کرپشن برداشت نہ کیتی ویسی۔ انہاں آکھیا جو معاشرے دی ترقی کیتے قانون دی حکمرانی، انصاف، نچلے طبقے دی معاونت کیتے جامع نظام اتے تعلیم دا ودھار بہوں اہم اے جیندے تے خاص توجہ ڈتی ویسی۔
