اسلام آباد ۔ 18 دسمبر (اے پی پی) وزیر مملکت موسمیاتی تبدیلی زرتاج گل وزیر آکھیے جو وزیراعظم عمران خان دی قیادت اچ ایجھے مثالی کم کر تے ویسوں جو آندی حکومت وی پاکستان تحریک انصاف دی ہوسی ،باصلاحیت نینگر ملک دا سرمایہ ہن قدرت پاکستان کوں سارے وسائل ڈتن اساکوں انہاں دی قدر کرنڑیں چاہیدی اے ۔اے گال انہاںمنگل کوں نیشنل ہارٹیکلچرل سوسائٹی آف پاکستان دے اہتمام نال 39ویں سالانہ پُھلاں دی نمائش جتنڑ آلیں دی تقریب تقسیم انعامات نال خطاب کریندے آکھی۔ زرتاج گل آکھیا جو زندگی اچ کوئی وی کم اوکھا کائنی ہوندا ایں سانگے پکا ارادہ چاہیدے ۔جڈاں اساں پنجاب دے پسماندہ ضلعے اچ پاکستان تحریک انصاف دے پلیٹ فارم توں سیاست داآغاز کیتا تاں میکوں بہوں اوکھ دا سامنڑان ہئی کیوں جو میڈے سیاسی حریف کئی سالاں توں سیاست کریندے پئے ہن ۔انہاں آکھیا وزیراعظم عمران خان صرف کم کم تے کم اتے یقین رکھیندن۔جڈاں وی کابینہ دا اجلاس ہوندے تاں ہک ہک وزیر توں ایندی کاکردگی پچھدن کیوں جو او سخت محنت کریندن تے آپنڑیں وزیراں کوں وی ایہو کجھ اکھیندن ۔
