اسلام آباد/ابوظہبی ۔ 21 دسمبر (اے پی پی) متحدہ عرب امارات پاکستان کوں ترائے ارب ڈالر دا مالی تعاون ڈیونڑ دا فیصلہ کیتے جڈاں جو متحدہ عرب امارات دے ایں اعلان دے بعد وزیراعظم عمران خان آزمائش دے وقت اچ پاکستان دی وڈا دل کرتے معاونت کرنڑ تے یو اے ای دا شکریہ ادا کیتے ۔ ابوظہبی دے فنڈ ترقی توں جاری اعلامیے دے مطابق ترائے ارب ڈالر سٹیٹ بینک آف پاکستان کوں منتقل کیتے ویسن جیں دا مقصد پاکستان نال مالی تعاون کرنڑ اے۔ متحدہ عرب امارات دے خبر رساں ادارے ”وام“ دے مطابق آونڑ آلے ڈینہاں اچ اے رقم منتقل کر ڈتی ویسی پاکستان کوں زرمبادلے دے ذخیرے کوں بہتر کرنڑ اچ مدد مل ویسی ۔بیان اچ آکھیا گے جو ایں مالی تعاون دا فیصلہ ڈوہیں بھرا ملکاں دے پرانڑیں تے تاریخی عوامی تعاون کوں سامنڑے رکھ تے کیتا گے ۔انہاں تعلقات تے تعاون کوں مزید شعبیں اچ وی ودھار ڈتا ویسی ۔
