اسلام آباد ۔ 18 دسمبر (اے پی پی) صدر مملکت ڈاکٹر عارف علوی ملک اچ ماحولیاتی خطرات اتے موسمیاتی تبدیلیاں دے اثرات بارے وڈے پیمانے تے شعور ودھاونڑ دی لوڑھ تے زور دیندے آکھیے جو آرٹ لوکاں کوں اینجھے چیلنجز نال آگاہی ڈیونڑ اچ چنگا کردار ادا کرسگدے،ساکوں آونڑ آلیاں نسلاں کیتے محفوظ ماحول یقینی بنڑاونڑ سانگے اقدامات کرنڑے ہوسن۔پاکستان نیشنل کونسل آف دی آرٹس (پی این سی اے)اچ ”آرٹ فار کلائمیٹ چینج“ دی تقریب نال خطاب کریندے ہوئیں صدر مملکت آکھیا جو موسمیاتی تبدیلی دے ملکی سیاحتی علاقیاں اچ منفی اثرات ڈیکھ تے افسوس تھیندے، ایں سانگے سارے متعلقہ اداریاں کوں اقدامات کرنڑے چاہیدن، شجر کاری، سبزیاں دی پیداوار تے توجہ ڈتی ونجے، درختاں کوں وی کٹنر توں بچایا ونجے۔صدر ڈاکٹر عارف علوی اطمینان کیتے جوسکیورٹی صورتحال چنگی تھیونڑ نال سیاحتی سرگرمیاں ودھین۔انہاں آرٹ و فن کوں سیر و سیاحت ،تہزیب و ثقافت دے ودھارے کیتے اہم قرار ڈتا۔صدر مملکت پی این سی اے اچ مختلف فنکاراں دے فن پارے وی ڈٹھے اتے انہاں دے فن دی تعریف کیتی۔
