ملک لٹنڑ آلیاں کوں کوئی معافی نہ ملسی،پیپلزپارٹی قیادت ای سی ایل ناں اونڑ تے چیکدی پئی اے،وزیر اطلاعات و ثقافت پنجاب فیاض الحسن چوہان

لاہور۔28 دسمبر(اے پی پی )صوبائی وزیر اطلاعات و ثقافت فیاض الحسن چوہان آکھیے جو ملک لٹنڑ آلیاں کوں کوئی معافی نہ ملسی،پیپلزپارٹی قیادت ای سی ایل ناںا ٓونڑ تے چیکدی پئی اے۔میڈیا نال الویندے ہوئیں انہاں آکھیے جو چور لٹیرے وڈے زور نال ملک لٹیندے پئے ہن، بھل ہنڑ چالہی چوراں دی خیر کائنی، کرپشن اچ ات مچاونڑ آلیاں دا احتساب جاری راہسی۔انہاں آکھیے جڈاں آصف زرداری اتے انہاں دے بانہہ بیل پکڑیے گین تاں ہنڑ ملک دا سلھ وٹا کرنڑ دیاں دھمکیاں ڈیندے پین، ہنڑ انہاں دا چیتا جاہ تے آگئے جو اے نوازشریف دی حکومت نئیں جو انہاں کوں چھوٹ ملسی یا کوئی این آر او،ہنڑ اے چیکدے ودن جو پی ٹی آئی انہاں کوں نہ چھوڑیسی۔ فیاض الحسن چوہان آکھیے جو پی ٹی آئی حکومت غریب دا مال لٹنڑ آلیاں کوں کوئی معافی نہ ڈیسی کیوں جو اج عدلیہ، نیب سودھے سارے تحقیقاتی ادارے آزاد اتے خودمختار ہین۔