منی لانڈرنگ اتے لٹی گئی دولت جگ دی کہیں وی چُنڈ توں ولا گھن آسوں،چیئرمین نیب جسٹس جاوید اقبال دا بیان

اسلام آباد ۔ 23 دسمبر (اے پی پی) قومی احتساب بیورو (نیب) دے چیئرمین جسٹس جاوید اقبال آکھیے جو قومی احتساب بیورو اچ کاروباری برادری دے مسائل دے حل کیتے انجھ سیل بنڑا دٹا گئے،منی لانڈرنگ اتے لٹی گئی دولت جگ دی کہیں وی چُنڈ توں ولا گھن آسوں۔ اپنڑے ہک بیان اچ انہاںا ٓکھیے جو بدعنوانی دا اناسو منڈھو مکایا ویسی، ایندا ہکو حل خود احتسابی اے،جیکر ہر کوئی بدعنوانی توں بچے تاں کرپشن فری پاکستان دا خواب پورا کتیا ونج سگسی کیوں جو کرپشن ہی ملک دی ترقی اتے خوشحالی اچ رکاوٹ اے۔انہاں آکھیے جو نیب ہنڑ تئیں ملک دے لٹی گئی 297 ارب روپے دی رقم ولا قومی خزانے اچ جمع کرائیاہے، غیرقانونی ہاﺅسنگ و کوآپریٹو سوسائیٹیزدی تحقیقات توڑ پجاونڑ ترجیھ اے،میگا کرپشن کیسز کون پہلے توڑ پچایا ویسی، وائٹ کالر کرائم تے قابو پاونڑ کیتے وی جامع حکمت عملی تے کم تھیندا پئے ،احتساب عدالتاں اچ 900 ارب روپے دے 1210 کیسز مختلف مراحل اچ زیرسماعت ہین۔انہاں اطمیان کیتے گیلپ دے حالیہ سروے رپورٹس دے مطابق 59 فیصد عوام نیب کی کارکردگی تے خوش ہین۔