اسلام آباد ۔ 31دسمبر (اے پی پی) وفاقی حکومت نویں سال دے آونڑ کوں عوام کوں پٹرولیم مصنوعات دامل گھٹا تے خوشخبری ڈتی اے۔وزارت خزانہ دے اعلامیہ دے مطابق مٹی دے تیل دے مل اچ 52، لائٹ ڈیزل دے مل اچ 2.16 روپے فی لیٹر کمی کیتی گئی اے۔ایویں ہی پٹرول 4.86 اتے ڈیزل 4.26 روپے فی لیٹر سستاکر ڈتا گئے۔نویاں قیمتاں دا اطلاق جنوری دے پورے مہینے کیتے ہوسی ۔ پٹرولیم مصنوعات دا مل گھٹنڑ توں بعد پٹرول 92 رون دی نویں نئی قیمت 90.97 روپے فی لیٹر، ہائی سپیڈ ڈیزل دی قیمت 106.68 روپے، مٹی دے تیل دی قیمت 82.98 روپے اتے لائٹ ڈیزل دی قیمت 75.28 روپے ہوسی۔نویاں قیمتاں دا اطلاق یکم جنوری توں 31 جنوری تئیں راہسی۔
