سلام آباد۔ 13 دسمبر(اے پی پی)وزیراعظم عمران خان چیئرمین سرمایہ کاری بورڈ کوں ہدایت کیتی اے جو او وپاردیاںس رگرمیاں اچ سوکھ ڈیونڑ سانگے مختلف شعبیاں اچ سارے مسلے اتے انہاں دے حل کیتے جامع منصوبہ ڈیون۔ انہاں آکھیے جو او ایں سانگے ہر مہینے جائزہ اجلاس دی صدارت کریسن۔انہاں اے ہدایت وپار کیتے سوکھ ڈیونڑ بارے مقامی و غیر ملکی سرمایہ کاراں کیتے چنگان ماحول بنڑاونڑ بارے ہک اعلیٰ سطح اجلاس دی صدارت کریندے آکھی۔ اجلاس اچ وزیر خزانہ اسد عمر، وزیر قانون ڈاکٹر فروغ نسیم، وزیراعظم دے مشیر عبدالرزاق، چیئرمین سرمایہ کاری بورڈ ہارون شریف، وفاقی سیکرٹریاں اتے سینئر حکام شرکت کیتی۔ چیئرمین سرمایہ کاری بورڈ وزیراعظم کوں ہنڑ تئیں اقدامات بارے ڈسایا جو سرمایہ کاری بورڈ کاروباری لین دین اچ سوکھ ڈیونڑ،سرمایہ کاری اچ آونڑ آلیاں رکاوٹاں مکاونڑ اتے کاروبار کوں چنگے طریقے نال چلاونڑ سانگے متحرک کم کریسی۔ انہاں ٹیکسیشن، مالیات رسائی، ریگولیشن اتے پالیسی اموردے نال تاجر برادری دے مسلیاں بارے وی ڈسایا ۔چیئرمین سرمایہ کاری بورڈ ”نیا پاکستان ڈایاسپورا فنڈ“بارءوی ڈسایا جوتعلیم، صحت اتے بنیادی ڈھانچے دی ترقی دے اہم شعبیاں اچ ایس ایم ایز اتے دیہی ترقی دے وداھرے کیتے کم تھیندا پئے۔
