پشاور۔ 14 دسمبر (اے پی پی) وزیراعظم عمران خان قبائلی عوام کوں صحت، تعلیم اتے بیاں بنیادی سہولتاں ڈیونڑ دا عزم کریندے ہوئے قبائلی اضلاع اچ سکولاں اتے ہسپتالاں دی تعمیرتیکھے مکمل کرنڑ دی ہدایت کیتی اے۔او پشاور اچ فاٹا انضمام بارے جائزہ اجلاس دی صدارت کریندے پئے ہن۔اجلاس اچ خیبر پختونخوا دے گورنر شاہ فرمان، وزیر اعلی ٰ محمود خان ، صوبائی وزیر خزانہ تیمور خان، وزیر اعظم دے مشیر شہزاد ارباب، معاون خصوصی نعیم الحق ، افتخار دررانی ، چیف سیکرٹری ، آئی جی پولیس اتے سینئر افسران شرکت کیتی ۔ وزیر اعظم کوں فاٹا انضمام بارے پیش رفت تے بریفنگ ڈتی گئی۔وزیراعظم گورنر و وزیراعلیٰ دی سربراہی اچ ہر قبائلی ضلع کیتے عملدرآمد کمیٹی بنڑاونڑ دی ہدایت کیتی جیندے اچ صوبائی وزراءاتے متعلقہ ضلعیاں دے سینیٹر رلائے ویسن۔وزیراعظم ہدایت کیتی جو گورنر اتے وزیر اعلی خیبر پختونخوا قبائلی اضلاع دا دورہ کرن اتے قبائلی عوام کوں انضمام بارے اقدامات سانگے اعتماد اچ گھنن۔
