اسلام آباد ۔ 25 دسمبر (اے پی پی)وزیراعظم عمران خان آکھیے جواج قائداعظم محمد علی جناحؒ دی سالگرہ دے موقع تے اساں20ویں صدی دے عظیم رہنما کو ںخراج تحسین پیش کریندوں ، قائداعظم اپنڑے نظریے اتے سوچ نال تریخ دا رخ بدل ڈتا اتے مسلماناں دے حقوق سانگے بے مثال اتے انتھک جدوجہد کیتی، اج اساکوںبانی پاکستان دے وژن تے عمل پیرا ہونڑ دے عزم دا اعادہ کرنڑ پوسی ، اساکوںریاست مدینہ دے ماڈل دی پیروی کرنڑ پوسی تاں جو اساڈاملک انصاف تے مبنی اتے خوشحال ریاست بنڑ سگے ، اساکوں رل مل تے ہک قوم دی حیثیت نال کم کرنڑ پوسی ،تاںجو قائد اعظم دے وژن کوں حقیقت دا روپ ڈتا ونج جا سگے اتے اساںاپنڑے ملک کوں دنیا دی قوماں اچ ایندا مناسب مقام ڈیوا سگوں۔ وزیراعظم آفس ولو ںجاری بیان مطابق وزیراعظم عمران خان بابائے قوم قائداعظم محمد علی جناحؒدے جمنڑے دے ڈینھ دے موقع تے منگل کو ںاپنڑے خصوصی پیغام اچ آکھیا جو اج قائداعظم د ی سالگرہ منیندے ہوئیں اساکوں ا یہ ڈیکھنڑ پوسی جو اساں اپنڑے عظیم قائد دے ڈسائے ہوئے اصولاں مطابق کہیڑی حد تئیں کامیاب تھئے ہسے۔ انہاں آکھیا جو اج اساکوں بانی پاکستان دے وژن تے عمل پیرا ہونڑ دے عزم دا اعادہ کرنڑ پوسی ۔ اساڈے قائد اساڈے سانگے ہک آزاد ملک قائم کیتا جتھاں اساں آزادی نال ساہ گھن سگدوں اتے رہ سگدوں ،جتھاں اساکوں کہیںقسم داکوئی خوف کائنی اتے اساں اپنڑیں مرضی اتے آزادی نال زندگی گزار سگدوں ۔ ہک ایجھا ملک جتھاں اساں اپنڑے مذہب اتے ثقافت مطابق اپنڑیں زندگی گزار سگدوں اتے اتھاں ریاست مدینہ دے ماڈل دی پیروی کیتی ویسی ،تاں جو اساڈا ملک انصاف تے مبنی اتے خوشحال ریاست بنڑ سگے ۔ وزیراعظم آکھیا جو قائداعظمؒ کوں خراج تحسین پیش کرنڑ دا بہترین طریقہ ایہ ہے جو انہاں دے وژن تے عمل کیتا ونجے اتے انہاں دے اتحاد، ایمان اتے تنظیم دے رہنما اصولاں تے انفرادی اتے اجتماعی طور تے عمل کیتا ونجے تاں جواساںاپنڑے مادر وطن کوں مکمل طور تے فلاحی، ترقی یافتہ اتے خوشحال ریاست بنڑا سگوں۔ انہاں آکھیا جو اج اساکوں ایں عزم دا اعادہ کرنڑ چاہیدے جو اساںاپنڑیاں غلطیاں دوبارہ کائناں کریسوں ،اساں سارے رل مل تے ہک قوم دی حیثیت نال کام کریسوں تاں جو قائد اعظم دے وژن کوں حقیقت دا روپ ڈتا ونج جا سگے اتے اساںاپنڑے ملک کوں دنیا دی قوماں اچ ایندا مناسب مقام ڈیوا سگوں۔
