اسلام آباد ۔ 24 دسمبر (اے پی پی) وزیراعظم عمران خان انڈونیشیا دے صدر جوکو ودودو کوں ٹیلی فون کیتے اتے 22 دسمبر کوں انڈونیشیا دے جزیرے آبنائے سنڈا اچ آونڑ آلے تباہ کن سونامی پاروں قیمتی جاناں دے زیان اتے مالی نقصان تے افسوس کیتے۔وزیراعظم آکھیا جو پاکستان اتے انڈونیشیا دے برادرانہ اتے تاریخی تعلقات ہین۔اجوکی قدرتی آفت کوں ڈوہاں ملکاں دے عوام دلوں محسوس کیتے ،اے انڈونیشیا کیتے ازمائش دا جھٹ اے اتے ساکوں یقین اے جو انڈونیشی عوام اﷲ دے فضل نال ایں اوکھ توں نکل آسن اتے انڈونیشیا بیا ترقی کریسی۔وزیراعظم انڈونیشیا نال تعلقات بئے گھاٹے کرنڑ دا عزم وی دوہرایا۔
