اسلام آباد ۔ 28 دسمبر (اے پی پی) وزیراعظم عمران خان غربت مکاونڑ ،بے روزگار لوکاں کوں ہنڑ مند بنڑاونڑ تے غربت دی لکیر توں تلے خانداناں دی غذائی ضرورتاں کوں پورا کرنڑ سانگے بے نظیر انکم سپورٹ پروگرام کوں چھیکڑی شکل ڈیونڑ دی ہدایت کریندے ہوئیں آکھیے جو غربت دا خاتمہ تے کمزور طبقے دی بہبود حکومت دی پہلی ترجیح اے ۔اے گال انہاں چیئرپرسن بینظیر انکم سپورٹ پروگرام ڈاکٹر ثانیہ نشتر نال گال مہاڑ کریندے ہوئیں آکھی جنہاں جمعے کوں وزیراعظم نال ملاقات کیتی ۔ڈاکٹر ثانیہ بے نظیر انکم سپورٹ پروگرام دے حوالے نال مختلف معاملات تے وزیراعظم کوں بریفنگ ڈتی ۔ایں موقع تے وزیراعظم آکھیا جو ریاست احساس دا ناں اے جیرھا جو معاشرے دے کمزور طبقے کوں اتے چاونڑ اچ اپنڑاں کردار ادا کریندی اے ۔وزیراعظم ایں گال تے زور ڈتا جو غربت مکاونڑ کیتے ہک مفصل پروگرام ترتیب ڈیندے پیوں جیرھا جو محض غریب لوکاں دیاں وختی ضرورتاں پورا کرنڑ تئیں محدود نہ ہووے بلکہ جامع انداز اچ لوکاں کوں غربت توں کڈھنڑ اچ بھرپور کردار ادا کرے ۔
