اسلام آباد ۔ 26 دسمبر (اے پی پی) وزیراعظم عمران خان اسلام آباد اچ شیلٹر ہوم دا افتتاح کرڈتا‘ وزیراعظم شیلٹر ہوم اچ سہولتاں دا جائزہ گھدا تے ڈسپنسری سمیت مختلف شعبیں دا دورہ کیتا ۔ بدھ کوں اتھاں شیلٹر ہوم دے افتتاح دے موقع تے اظہار خیال کریندے ہوئیں وزیراعظم عمران خان آکھیا جو پورے شہر توں غریب اتے مستحق لوکاں کوں شیلٹر ہوم گھن آونڑ کیتے روزانہ شام دے وقت بس سروس شروع کیتی ونجے ۔جیں تے شیلٹر ہوم انتظامیہ وزیراعظم کوں ڈسایا جو بس سروس شروع تھی گی اے ۔وزیر اعظم آکھیا جو پشاور اچ شیلٹر ہوم تئیں مستحق لوکاں کوں گھن آونڑ کیتے حکومت پنجاب ولوں ڈو بساں چلائیاں گن جیرھیاں جو شام کوں چلدن اتے اے سروس لاہور اچ وی شروع تھی گی اے ۔
