اسلام آباد ۔ 3 دسمبر (اے پی پی) وزیر اعظم عمران خان معذور لوکاں کوں تعلیم تے روزگار دے ہکو جہے موقع دی فراہمی دے ذریعے انہاں دی زندگی اچ بہتری گھن آّونڑ دے حکومتی عزم دا اعادہ کیتے ۔سنوار کوں اپنڑے ٹویٹ اچ وزیراعظم آکھیا جو حکومت خصوصی لوکاں دے رستے اچ آونڑ آلیاں ساریاں رکاوٹاں کوں ہٹا تے سوکھا بنڑاونڑ سانگے ضروری قانون سازی سانگے تیار اے ۔انہاں آکھیا معذور لوکاں دے عالمی ڈینھ دے موقع تے خصوصی لوکاں کوں ہکو جہے مواقع اتے روزگار پیش کرتے انہاں دی زندگی کوں تبدیل کرنڑ دے حکومتی عزم دا اعادہ کرنڑ چاہنداں ۔ خصوصی لوکاں کوں بااختیار بنڑاونڑ تے ایں سلسلے اچ ساریاں رکاوٹاں کوں دور کرنڑ دے حوالے نال اساڈا بل تیار اے ۔واضح رہے جو معذور لوکاں دا بین الاقوامی ڈینھ پاکستان سمیت ساری دنیا اچ منایا ویندا پئے ۔ایں ڈینھ کوں مناونڑ دا مقصد معذور لوکاں دے حقوق تے فلاح بہبود کوں ودھارا ڈیونڑ اے ۔
